സംസ്ഥാനസര്‍ക്കാരിനു കീഴിലുള്ള സ്വയംഭരണസ്ഥാപനമായ കേരള മീഡിയ അക്കാദമിയുടെ ഇന്‍സ്റ്റിറ്റ്യൂട്ട് ഓഫ് കമ്യൂണിക്കേഷനിലെ ജേര്‍ണലിസം&കമ്യൂണിക്കേഷന്‍, ടെലിവിഷന്‍ ജേര്‍ണലിസം, പബ്ലിക് റിലേഷന്‍സ് & അഡ്വര്‍ടൈസിങ് എന്നീ ബിരുദാനന്തര ഡിപ്ലോമ കോഴ്‌സുകളിലേക്ക് അപേക്ഷ നല്‍കിയവര്‍ക്കായി ജൂണ്‍ 29-ന് (ശനിയാഴ്ച) പ്രവേശനപരീക്ഷ നടത്തും.
കൊല്ലം (ഗവ: ബോയ്‌സ് ഹൈസ്‌കൂള്‍, സിവില്‍ സ്റ്റേഷനു സമീപം), കൊച്ചി (കേരള മീഡിയ അക്കാദമി, സിവില്‍ സ്റ്റേഷനു സമീപം, കാക്കനാട്), കോഴിക്കോട് (ഗവ: വൊക്കേഷണല്‍ ഹയര്‍ സെക്കന്ററി സ്‌കൂള്‍, പോലീസ് സ്റ്റേഷനു സമീപം, നടക്കാവ്) എന്നിവിടങ്ങളിലാണ് എഴുത്തു പരീക്ഷ. ജേര്‍ണലിസം, ടി.വി. ജേര്‍ണലിസം, പബ്ലിക് റിലേഷന്‍സ് കോഴ്‌സുകള്‍ക്കുള്ള പൊതുവായ പരീക്ഷ രാവിലെ 10.30 മുതല്‍ ഉച്ചയ്ക്ക് 12.30 വരെയാണ്.
അപേക്ഷകര്‍ക്കുള്ള ഹാള്‍ ടിക്കറ്റുകള്‍ തപാല്‍ മാര്‍ഗം അയച്ചിട്ടുണ്ട്.. ഹാള്‍ ടിക്കറ്റ് ലഭിക്കാത്തവര്‍ പരീക്ഷാദിവസം രാവിലെ 10 മണിക്ക് അതാതു സെന്ററുകളില്‍ രണ്ടു പാസ്‌പോര്‍ട്ട് സൈസ് ഫോട്ടോയും ഐ.ഡി. പ്രൂഫുമായി എത്തേണ്ടതാണ്. കൂടുതല്‍ വിവരങ്ങള്‍ക്ക് താഴെ കൊടുത്തിരിക്കുന്ന ഫോണ്‍ നമ്പറുകളില്‍ ബന്ധപ്പെടാവുന്നതാണ്. കൊച്ചി കേന്ദ്രം – 0484 – 2422275, 2422068 (ഡോ. എം. ശങ്കര്‍ ഡയറക്ടര്‍, ഇന്‍സ്റ്റിറ്റ്യൂട്ട് ഓഫ് കമ്യൂണിക്കേഷന്‍), കോഴിക്കോട് – 9388533920 (ഹേമലത), 9388959192 (ബി. ശ്രീജ) കൊല്ലം – 9633525585 (അനീഷ് എം.ഡി).