സംസ്ഥാനസര്‍ക്കാരിനു കീഴിലുള്ള സ്വയംഭരണസ്ഥാപനമായ കേരള മീഡിയ അക്കാദമിയുടെ ഇന്‍സ്റ്റിറ്റ്യൂട്ട് ഓഫ് കമ്യൂണിക്കേഷനിലെ ജേര്‍ണലിസം & കമ്യൂണിക്കേഷന്‍, ടെലിവിഷന്‍ ജേര്‍ണലിസം, പബ്ലിക് റിലേഷന്‍സ് & അഡ്വര്‍ടൈസിങ് എന്നീ ബിരുദാനന്തര ഡിപ്ലോമ കോഴ്‌സുകളിലേക്ക് അപേക്ഷ നല്‍കിയവര്‍ക്കായി ജൂലൈ 23-ന് (ശനിയാഴ്ച) പ്രവേശനപരീക്ഷ നടത്തും.

കൊല്ലം (ഗവണ്‍മെന്റ് ബോയ്‌സ് ഹൈസ്‌കൂള്‍, സിവില്‍ സ്റ്റേഷനു സമീപം), കൊച്ചി (കേരള മീഡിയ അക്കാദമി, സിവില്‍ സ്റ്റേഷനു സമീപം, കാക്കനാട്), കോഴിക്കോട് (ബിഇഎം ഗേള്‍സ് ഹൈസ്‌കൂള്‍, ബാങ്ക് റോഡ്, മാനാഞ്ചിറ) എന്നിവിടങ്ങളിലാണ് എഴുത്തു പരീക്ഷ. ജേര്‍ണലിസം, ടിവി ജേര്‍ണലിസം കോഴ്‌സുകള്‍ക്കുള്ള പൊതുവായ പരീക്ഷ രാവിലെ 10.30 മുതല്‍ ഉച്ചയ്ക്ക് ഒരു മണി വരെയും പബ്ലിക് റിലേഷന്‍സിനുള്ള പരീക്ഷ ഉച്ചയ്ക്കു ശേഷം രണ്ടു മുതല്‍ നാലു വരെയുമാണ്.

അപേക്ഷകര്‍ക്കുള്ള ഹാള്‍ ടിക്കറ്റുകള്‍ തപാല്‍ മാര്‍ഗം അയച്ചിട്ടുണ്ട്. ഹാള്‍ ടിക്കറ്റ് ലഭിക്കാത്തവര്‍ താഴെ കൊടുത്തിരിക്കുന്ന ഏതെങ്കിലും ഫോണില്‍ ബന്ധപ്പെടണം. കൊച്ചി കേന്ദ്രം 0484 2422275, 2100700 (രാമചന്ദ്രന്‍), കോഴിക്കോട് – 9447331479 (ഷൈനസ് മാര്‍ക്കോസ്), 944607073 (ബിജു എം.ജി.), കൊല്ലം – 9645996930 (കെ. അജിത്), 9633525585 (അനീഷ്).